“Kapital Bank”ın mətbuat katibi Pərviz Sədrəddinova yüksək vəzifəyə təyin olunub.
Ednews xəbər verir ki, Pərviz Sədrəddinov sosial şəbəkə hesabında məlumat verib.
Belə ki, o, bu gündən fəaliyyətini Səfərbərlik və Hərbi Xidmətə Çağırış üzrə Dövlət Xidmətinin İctimaiyyətlə İş və Beynəlxalq Əlaqələr şöbəsinin rəisi vəzifəsində davam etdirəcək.
“Hərbi təməl islahatlarının başlandığı və uğurla davam etdiyi bir dövrdə bu vəzifəyə təyinatım məsuliyyəti birə-beş artırır. Çalışacağam ki, Dövlət Xidmətinin rəhbərliyinin mənə göstərdiyi bu etimadı doğruldum. Hörmətli media nümayəndələri! Dövlət Xidməti ilə bağlı hər hansı bir sorğunuz olarsa mənə yönəldə bilərsiniz.
Əvvəlki illərdə olduğu kimi yenə Sizlərin dəstəyinə ümidvaram. Axı bu artıq hər hansı bir kommersiya qurumunun inkişafı demək deyil, qalib dövlətin təməli olan ordu quruculuğuna verilən dəstəkdir. Əminəm ki, bu strateji məsələdə birlikdə uğurlara imza atacağıq”, deyə Pərviz Sədrəddinov qeyd edib.
O, daha öncə Kapital Bankın mətbuat katibi postunda, ondan əvvəl isə “Expressbank"da müvafiq vəzifədə çalışıb.
Aynurə İsmayıl
