Cəmşid Naxçıvanski adına hərbi liseyin yaxınlığında yerləşən, Zığ-Hövsan yolunun üzərində olan yerüstü keçid vətəndaşlar arasında narazılığa səbəb olub.
Ednews-un verdiyi xəbərə görə, yerüstü keçiddə nə hərəkətdə olan pilləkən var, nə də lift işləmir.
Keçidin problemi bununla da bitmir. Belə ki, keçiddə yaşlı insanların hərəkəti üçün lazımi şərait yaradılmayıb. Bundan başqa fiziki məhdudiyyətli şəxslər də keçiddən istifadə edə bilmirlər.
Həmin ərazidə yaşayan bir neçə şəxs bildirdib ki, işə gedərkən, yol keçərkən problemlər yaşayırlar:
“Elə düzəldiblər ki, ordan keçə bilmirik. Təhlükəli olduğundan yürüstü keçiddən istifadə edə bilmirik”.
Məsələ ilə bağlı Avtomobil Yolları Dövlət Agentliyindən (AYDA) bildirilib ki, sözügedən piyada keçidində tam olaraq işlər yekunlaşdırılmayıb. Hazırda piyada keçidində müəyyən tamamlanma işləri gedir, o cümlədən elektrik xətti ilə təmin olunması istiqamətində podratçı şirkət tərəfindən müvafiq addımlar atılır.
Oğuz