2026-cı il yanvarın 1-nə Azərbaycanda dövlət qulluqçularının sayı 27,3 min nəfər təşkil edib.
EDnews xəbər verir ki, bu barədə Dövlət Statistika Komitəsinin məlumatında bildirilib.
Məlumata görə, dövlət qulluqçularının 31,4 faizini qadınlar təşkil edib. Onların 7,6 faizi dövlət orqanlarında inzibati vəzifələrin ali-3-cü təsnifatları, 3,9 faizi 4-cü təsnifat, 12,4 faizi 5-ci təsnifat, 8,7 faizi 6-cı təsnifat, 44,2 faizi 7-ci təsnifat, 23,2 faizi isə dövlət qulluğunun yardımçı vəzifələri üzrə çalışıb.
Dövlət qulluqçularının iş stajına gəlincə, onların 6,6 faizi 1 ilədək, 23,6 faizi 1 ildən 5 ilədək, 23,6 faizi 5 ildən 10 ilədək, 18,8 faizi 10 ildən 15 ilədək, 27,4 faizi isə 15 il və daha çox qulluq stajına malik olub.
Yaş bölgüsünə əsasən, dövlət qulluqçularının 3 faizi 25 yaşadək, 11,6 faizi 25-29 yaş, 18 faizi 30-34 yaş, 16,7 faizi 35-39 yaş, 13,3 faizi 40-44 yaş, 10,5 faizi 45-49 yaş, 8,1 faizi 50-54 yaş, 7,5 faizi 55-59 yaş, 9,2 faizi 60-64 yaş, 2,1 faizi isə 65 və yuxarı yaş qrupuna aiddir.
Bildirilib ki, “Dövlət qulluğu haqqında” Azərbaycan Respublikası Qanununun qəbulundan ötən dövr ərzində bu sahədə geniş qanunvericilik bazası yaradılıb, aparılan islahatlar nəticəsində müasir dövlət qulluğu sistemi formalaşıb. Dövlət qulluqçularının peşəkarlığının artırılması və sosial müdafiəsinin gücləndirilməsi istiqamətində də zəruri addımlar atılıb.
2025-ci ildə dövlət qulluqçularının orta aylıq nominal əməkhaqqı əvvəlki illə müqayisədə 4,5 faiz artaraq 2059 manat təşkil edib.
