Ümummilli Lider Heydər Əliyevin anadan olmasının 102-ci ildönümü münasibətilə Şəki-Zaqatala Regional Təhsil İdarəsi və Azərbaycan Təhsil İşçiləri Azad Həmkarlar İttifaqı Şəki Rayon Komitəsinin birgə təşkilatçılığı ilə Şəki rayonunun təhsil işçiləri arasında şahmat yarışı keçirilib. Rasim Ocaqov adına Şəki şəhər Uşaq-Gənclər İnkişaf Mərkəzində təşkil olunan yarışda 80-dək təhsil işçisi mübarizə aparıb.
"EDnews "xəbər verir ki , Yarış Dövlət Himninin səsləndirilməsi ilə başlayıb, Ulu Öndər Heydər Əliyevin və şəhidlərin xatirəsi bir dəqiqəlik sükutla yad edilib.
Regional Təhsil İdarəsinin müdiri Günay Mahmudova, Təhsil İşçiləri Azad Həmkarlar İttifaqı Şəki Rayon Komitəsinin sədri Ziyafət Xasiyeva və başqaları çıxış edərək, Ulu Öndərin xalqımız qarşısındakı xidmətlərindən, idmanın inkişafına göstərdiyi diqqət və qayğıdan danışıblar. Bildirilib ki, yarışın keçirilməsində əsas məqsəd bölgədə şahmatın inkişafına töhfə vermək, eyni zamanda, təhsil işçilərinin asudə vaxtını səmərəli təşkil etmək və aralarında dostluq münasibətlərini möhkəmləndirməkdən ibarətdir.
Yarışda qalib gələn təhsil işçiləri Həmkarlar Komitəsi tərəfindən kubok, diplom və hədiyyələrlə mükafatlandırılıblar.
Fatimə Mərdanlı // EDnews
