Merkel Britaniya kəşfiyyatına Putin haqqında dosye verib | Eurasia Diary - ednews.net

19 Noyabr, Çərşənbə axşamı


Merkel Britaniya kəşfiyyatına Putin haqqında dosye verib

Dünya A- A A+
Almaniya kansleri Angela Merkel Britaniya kəşfiyyatına Rusiya Prezidenti Vladimir Putin haqqında dosye verib.
 
Bu barədə "Focus" nəşri yazıb.
 
Jurnal Almaniyanın xüsusi xidmət orqanlarındakı mənbəyinə istinadən məlumat yayıb ki, 2015-ci ilin oktyabr ayında Angela Merkel Böyük Britaniyanın Baş naziri Devid Kemeronun şəhər kənarındakı rəsmi iqamətgahını ziyarət edib. Orada kansler Böyük Britaniya kəşfiyyat və əks-kəşfiyyatının, MI6 və MI5-in rəhbərləri - Aleks Ynager və Endryu Parker ilə görüşüb. Söhbət zamanı onlar Angela Merkelə Almaniyada mümkün terror hücumları barədə xəbərdar ediblər. O isə öz növbəsində, britaniyalılara Rusiya prezidenti Vladimir Putin haqqında dosye və Krımdakı vəziyyətlə bağlı analitik material verib.
 
Nəşrin məlumatına görə, A.Merkel Almaniya xüsusi xidmət orqanlarının rəhbərlərinə səfəri barədə rəsmi məlumat verməyib və bu məqam Almaniyanın Federal Kəşfiyyat Xidməti və Federal Konstitusiyanı Mühafizə Xidmətinin əməkdaşları arasında narazılığa səbəb olub.
 
Qeyd edək ki, bu il mayın 2-də Angela Merkelin Moskvaya səfər edəcəyi gözlənilir. Səfər proqramına Prezident Vladimir Putin ilə görüş də daxildir.(report)

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...