Neft qiymətləri Qırmızı dənizdəki son hücumdan sonra tədarükün kəsilməsi qorxusundan artıb.
Ednews sözçü nəşrinə istinadən xəbər verir ki, Neft qiymətləri Qırmızı dənizdə Danimarka gəmiçilik şirkəti Maersk-ə edilən son hücumdan sonra Yaxın Şərqdə tədarükün və Çinin tələbatında yarana biləcək potensial pozulmalara görə yeni ilin ilk ticarət günündə 2 faizdən çox bahalaşıb.
15.05-ə olan məlumata görə, Brent markalı neftin bir barelinin qiyməti 2,1 faiz artaraq 78,66 dollar olub. ABŞ-ın West Texas Intermediate xam nefti 2,16 faiz artaraq 73,20 dollar olub.
Reuters-in iqtisadçılar və analitiklər arasında apardığı sorğunun nəticələrinə görə, Brent markalı neftin bu il orta hesabla 82,56 dollar olacağı təxmin edilir. Bununla belə, geosiyasi gərginlik qiymətlərə dəstək ola bilər.
Xəyal Ramiz
