Böyük Britaniyada yerləşən Birgə Avropa Torus (JET) laboratoriyasında nüvə sintezi nəticəsində əldə edilən enerjidə yeni dünya rekordu qırıldığı bildirilir.

Ednews m.haber-ə istinadən xəbər verir ki, İngiltərənin Oksford yaxınlığındakı JET füzyon sınaq qurğusunun daxil olduğu Avropa Fusion Proqramı (EUROFusion) rekordla bağlı açıqlama verib.

Alimlər tokamakı hidrogenin variantı olan deyterium və tritiumla qidalandırıblar.

Füzyon enerjisi yaratmaq üçün komanda maşındakı temperaturu 150 milyon dərəcə Selsiyə qaldırdı və bu həddindən artıq istilik deyterium və tritiumun helium əmələ gətirmək üçün birləşərək böyük miqdarda istilik buraxmasına səbəb oldu.

Nüvə sintezi günəşdə hər an meydana gələn, daha ağır bir elementə (helium) çevrilən və olduqca yüksək enerji buraxan iki yüngül elementin (hidrogen) birləşməsi kimi müəyyən edilir.

Karbon buraxmadığı və radiasiya yaymadığı üçün sonsuz təmiz enerji mənbəyi sayılan nüvə sintezinin baş verməsi üçün yüksək istilik, enerji və sıxlıq mühiti yaradılmalıdır.

Günəşin mərkəzindəki yüksək qravitasiya təzyiqi 10 milyon dərəcə selsidə birləşmənin baş verməsinə imkan verdiyi halda, aşağı təzyiqə görə Yer kürəsində ən azı 100 milyon dərəcə selsidə birləşmə mümkündür.

Xəyal Ramiz