Finlandiya Təhlükəsizlik və Kəşfiyyat Xidməti (SUPO) Rusiyanın insan kəşfiyyatı əməliyyatları aparmaq qabiliyyətinin zəifləməsinə baxmayaraq, Rusiyanın casusluğu və təsir riskinin yüksək olduğu barədə xəbərdarlıq edib. 

Ednews sozcu.com-a istinadən xəbər verir ki, SUPO-nun dərc etdiyi illik hesabatda Rusiyanın əsas diqqətinin Finlandiyaya deyil, Ukraynaya yönəldiyi və bu səbəbdən də yaxın gələcəkdə ölkəyə hərbi təhlükənin olmadığı bildirilib. Hesabatda Rusiyanın əsas olaraq “düşmən ölkə” kimi qəbul etdiyi Finlandiyanın NATO üzvlüyünə mənfi təsir edəcək çəkindirici elementlər yaratmağı hədəflədiyi, casusluq və təsir əməliyyatları ilə hədəfləndiyi, xüsusilə kiber mühit və kritik infrastrukturun olduğu ifadə edildi. 

Hesabatda xəbərdarlıq edilib ki, Rusiyanın insan kəşfiyyatı əməliyyatları aparmaq qabiliyyəti zəifləsə də, Rusiyanın casusluğu və təsiri riski yüksək olaraq qalır. Hesabatda Rusiyanın Finlandiya üçün ən böyük təhlükəsizlik təhdidinin olduğu bir daha vurğulanıb və Helsinki ilə Moskva arasındakı zəif münasibətlərin indi “yeni normal” olduğu qeyd edilib. SUPO-nun direktor müavini Teemu Turunen bildirib ki, indi və uzunmüddətli perspektivdə zərərli fəaliyyətlərə qarşı hazır olmaq lazımdır. 
Finlandiya 2023-cü il aprelin 4-də NATO-ya üzv olduqdan sonra Rusiya Qərbi Helsinkini təşkilata sürükləməklə Moskvadan ayırmağa çalışmaqda ittiham etdi. Dekabr ayında Finlandiya sərhədi keçməyə çalışan qeyri-qanuni mühacirlərə kömək etməkdə ittiham etdiyi Rusiya ilə sərhədlərini bağlayıb.

Xəyal Ramiz