Yəmən sahilləri yaxınlığında tankerə qumbaraatanla atəş açılıb.
EDnews xəbər verir ki, bu barədə Böyük Britaniya Hərbi Dəniz Qüvvələri yanında Dəniz Ticarət Daşımalarının Koordinasiya Mərkəzi (UKMTO) məlumat yayıb.
“UKMTO Yəmənin Ədən şəhərindən 11 dəniz mili cənub-şərqdə insident barədə məlumat alıb. Bildirilib ki, içərisində dörd silahlı şəxsin olduğu kiçik motorlu qayıq tankerə yaxınlaşıb və gəmiyə reaktiv tank əleyhinə qumbaraatandan atəş açıb”, - deyə məlumatda qeyd olunub.
Hadisənin detalları açıqlanmayıb. Bölgədəki bütün gəmilərə ehtiyatlı olmaq tövsiyə edilib.
