2025-ci ildə Danimarkada mal və xidmətlərin qiymət səviyyəsi Avropa İttifaqında (Aİ) ən yüksək göstəriciyə çataraq Aİ üzrə orta səviyyənin 140%-ni təşkil edib.
EDnews xəbər verir ki, bu barədə "Avrostat"ın rəsmi saytında məlumat dərc olunub.
Məlumata görə, İrlandiyada analoji göstərici 136%, Lüksemburqda isə 132% olub. Ən aşağı qiymət səviyyələri isə Bolqarıstanda (63%), Rumıniyada (65%) və Polşada (73%) qeydə alınıb.
Bildirilib ki, ötən il ev təsərrüfatlarının ən böyük xərc maddəsi olan mənzil xərcləri İrlandiyada Aİ üzrə orta göstəricinin 190%-nə çatdığı halda, Bolqarıstanda bu rəqəm cəmi 41% təşkil edib.
Əhəmiyyətinə görə ikinci əsas xərc kateqoriyası qida məhsulları və alkoqolsuz içkilər olub. Bu sahədə ən yüksək qiymətlər Lüksemburqda (Aİ üzrə orta səviyyənin 122%-i), ən aşağı qiymətlər isə Rumıniyada (80%-i) qeydə alınıb.
