Ukrayna Braziliya Prezidenti Luiz İnasiu Lula da Silvadan Rusiya ilə danışıqlarda vasitəçi olmasını xahiş edib.
EDnews xəbər verir ki, bu barədə Braziliyanın UOL nəşri məlumat yayıb.
Məlumata görə, Ukrayna Prezidenti Volodimir Zelenski son G7 sammiti çərçivəsində Lula da Silva ilə görüşündə Kiyevin mövqeyini ətraflı izah edib. Bildirilir ki, söhbət 40 dəqiqədən çox davam edib.
Nəşrin məlumatına əsasən, Kiyev Braziliya liderinin prosesə cəlb olunmasını onun Rusiya Prezidenti Vladimir Putinlə etibarlı münasibətlərə malik olması ilə əlaqələndirir.
Braziliya hökumətində hesab edirlər ki, məhz bu amil Lula da Silvanın mümkün danışıqlarda vasitəçi rolunu oynaya bilməsi üçün əsas səbəblərdən biri kimi qiymətləndirilir.
