Marin Le Pen, Fransanın millətçi siyasətinin ən tanınmış simvollarından biri və ölkənin ən məşhur siyasi fiqurlarından biri hesab olunur."Anti-voke" və anti-miqrasiya mövqelərini güclü şəkildə müdafiə edir. Bu yanaşma, onu həm Fransada, həm də Avropanın bir çox yerində mühafizəkar liderlərin dəstəyini qazanmasına səbəb olub. Hər nə qədər bu liderlər arasında bəzi fərqliliklər olsa da, Le Pen, özünün radikal millətçi və mühafizəkar gündəmi ilə digər populyar liderlərin bir növ təmsilçisi və müttəfiqi kimi görünür.
Bu liderlər, bazar ertəsi günü sosial mediada Le Pen-in beş il ərzində siyasi vəzifəyə seçilməsini qadağan edən qərara qarşı etiraz edərək ona dəstək göstərdilər. Le Pen və digər tərəfdaşları, Fransa Milli Hərəkatı partiyasının 4 milyon dollardan çox (təxminən 3.1 milyon funt) AB fondunu mənimsəməkdə ittiham edildiklərini bildirdilər. Lakin, onlar bu ittihamları qəbul etməyərək, verilən qərara qarşı apellyasiya verməyi planlaşdırdıqlarını açıqladılar.
Bununla belə, Le Pen üçün bu qərar, Fransanın növbəti prezident seçkilərində yüksək dəstək qazandığı bir vaxtda onun siyasi karyerasına ciddi zərbə vura bilər. Bəzi Avropa millətçi liderləri isə bu addımı, ənənəvi siyasətçilərin milli gündəmi öz maraqlarına uyğun dəyişdirməyə çalışmasına qarşı mübarizə və öz siyasi məqsədlərinə xidmət edən strateji addım olaraq qiymətləndirirlər.
Macarıstanın mübahisəli baş naziri Viktor Orban, bazar ertəsi Fransada "Je suis Marine" şüarı ilə Le Penə dəstəyini ifadə etdi. Hollandiya populisti Gert Vilders isə X platformasında Le Penin apellyasiyada uğur qazanacağına və Fransanın növbəti prezidenti olacağına inandığını bildirdi. İtaliyanın sərt mövqeyə sahib baş nazir müavini Matte Salvini də sosial mediada "qorxuruq,amma tam sürətlə irəliləyirik!” yazaraq, Le Penə olan dəstəyini nümayiş etdirdi.
Bəzi tərəfdarları, Fransız məhkəməsinin verdiyi qərarı şübhə altına alaraq, bunun Marine Le Penin siyasi uğurunu əngəlləmək məqsədilə verilmiş addım olduğunu düşünürlər. Hətta Rusiya da bu məsələyə müdaxilə edib, Kreml sözçüsü Dmitri Peskov, “Marine Le Penin vəziyyətinin demokratik prinsiplərə zidd olduğunu” bəyan edib.
Bir çox Avropa ölkəsində milli hüquq sistemləri, cəmiyyətdəki dərin parçalanmalar və artan şübhələrin təsiri altına düşüb. Populist siyasətçilər və onların əleyhdarları arasında qarşılıqlı ittihamlar gündəmi zəbt edir, hüquq sisteminin siyasi maraqlara xidmət etmək məqsədilə manipulyasiya edildiyinə dair ittihamlar isə getdikcə daha çox dilə gətirilir. Bu cür problemlər, xüsusilə Fransa, Rumıniya və Macarıstan kimi ölkələrdə daha aydın və diqqət çəkici şəkildə özünü göstərir.
Amerika Birləşmiş Ştatlarında da oxşar vəziyyət mövcuddur. Donald Tramp, Le Penin hökmünün ölkə daxilində "çox vacib məsələyə" çevrildiyini vurğulayıb. Tramp, ABŞ-da qarşılaşdığı hüquqi çətinliklərdən əvvəl də, bu tip məsələlərə qarşı ittihamlar irəli sürərək məhkəmələrdə siyasi rəqiblərinə qarşı qisas almağa çalışmaqla ittiham olunub.
Bu vəziyyət, Le Penin tərəfdarlarında "xalqın istəyini boğmağa çalışan" Fransız siyasi quruluşuna qarşı böyük üsyan hissi oyadır.
Mədinə Məmmədova//EDnews
