"Bayram günlərində istirahət mərkəzlərində, əsasən olan sıxlığı əhalinin varlı olması ilə, eləcə də otel bahalığını süni qiymət artımları ilə əlaqələndirmək yanlışdır".

Ednews xəbər verir ki, bu sözləri iqtisadçı ekspert Eldəniz Əmirov "Telegram" hesabında etdiyi paylaşımda qeyd edib:

"Təklif tələbi qarşılamaqda çox acizdir. Nəticədə hər yerdə sıxlıq və kosmik qiymətlər qaçılmaz olub. Bunu rəqəmlər də təsdiq edir: Azərbaycanda 2022-ci ildə Mehmanxana (otel) və mehmanxana tipli müəssislərin sayı 727, birdəfəlik tutum isə 56 562 yer olub. Amma Azərbaycandan 3 dəfə az əhalisi olan Gürcüstanda hələ 6 il əvvəl (2017) GNTA məlumat bazasında 65,656 yer olmaqla, ümumilikdə 1,945 yerləşdirmə vahidi qeydə alınmışdı. Yəni Gürcüstanda hələ 6 il əvvəlki göstəriciləri bizdən az qala 3 dəfə yüksəkdir. Əhali sayındakı fərqi nəzərə alsaq yerləşdirmə vahidlərinə münasibətdə 9 dəfəyə qədər fərqimiz var. Deməli, sıxlığın və qiymətin aşağı düşməsi üçün atılmalı olan addım yeni turizm mərkəzlərin, o cümlədən aşağı ulduzlu hotellərın regionlarda daha çox istifadəyə verilməsidir".

Əkbər