Yeni Transxəzər energetika layihəsinə əsasən, Türkmənistandan Azərbaycana qaz ixrac ediləcək. Bundan başqa, “Azərbaycan Respublikası Höküməti ilə Türkiyə Respublikası Höküməti arasında təbii qaz sahəsində əməkdaşlıq Sazişi” imzalanıb.
Azərbaycanın ümumiyyətlə, bu layihədən qazancı nədir?
Mövzu ilə bağlı Ednews-a açıqlama verən iqtisadçı ekspert Eyyub Kərimli bildirib ki, Azərbaycanın tranzit haqlarının artması ölkəyə əlavə gəlirlər gətirəcək:
“Hazırda Rusiya-Ukrayna arasında gedən müharibə və Rusiyanın sanksiyalara məruz qalması Avropada qaz təlabatını artırır. Qış mövsümünün yaxınlaşmasını da nəzərə alsaq bu təlabat daha artacaq. Hesab edirəm ki, Türkmənistan qazının Avropaya ixrac edilməsi məsələsi daha da aktuallaşır. Bu layihə ilə Türkmənistan, Azərbaycan və Türkmənistan iqtisadiyyatının gəlirləri artacaq. Gələcək perspektivdə Türkmənistan qazı və hətta Qazaxıstan qazı da Azərbaycan üzərindən Avropaya çatdırıla bilər.
Ölkəmizin tranzit haqlarının artması və bundan gəlir götürməyimiz müsbət bir hal olacaq. Yeni qaz mənbələrinin Avropaya çatdırılması sözsüz ki, Azərbaycan qazının təlabatını azaltmayacaq. Çünki, Avropanın il ərazində 500 milyard kub metr qaza ehtiyacı var. Qeyd edək ki, əvvəl bu təlabatın 40%-ni Rusiya təmin edirdi. Buna görə də hazırda Avropa dövlətləri alternativ qaz yataqları axtarır. Bu qaz xətləri Azərbaycandan keçsə də, bu ölkə üçün heç bir təhdid yaratmır.”
Fərid Axund
