Hazırda Bakı şəhərində mövcud olan yağıntılı və küləkli hava şəraiti ilə əlaqədar bəzi küçə və prospektlərdə həm elektrik enerjisinin olmaması, həm də texniki səbəblərdən svetoforların işində problemlər yaranır.
“EDnews” xəbər verir ki , Nəqliyyatı İntellektual İdarəetmə Mərkəzinin İctimaiyyətlə əlaqələr sektorunun müdiri Ömər Xıdırov Mərkəzin əməkdaşlarının problemin qısa müddət ərzində həll edilməsi üçün gücləndirilmiş iş rejimində çalışdıqlarını bildirib.
Sürücülərdən svetoforların işi bərpa edilənədək ərazidəki yol nişanlarının tələbini və nizamlanmayan yolayrıcını keçmə qaydalarını əsas tutaraq hərəkət etmələri xahiş olunur.
Yollardakı vəziyyətlə bağlı operativ məlumatlandırma təmin ediləcək.
Fatimə Mərdanlı // EDnews
