Rusiya prezidenti Vladimir Putin bildirib ki, hər zaman özünü sülh tərəfdarı kimi tanıdan Qərb, Ukraynaya Rusiya ilə hər hansısa kontakta girməyə qadağa edib. Onun sözlərinə görə, Qərb iki dövlət arasında sülhün bərqərar olmasında maraqlı deyil.
Rusiyalı politoloqu Boqdan Bezpalko düşünür ki, deyilən sözlərə baxmayaraq, Avropa İttifaqının Xarici Əlaqələr və Təhlükəsizlik Siyasəti üzrə Ali Nümayəndəsi Josef Borel və Avropa İttifaqı Şurasının Prezidenti Şarl Mişelin bəyanatlarında dəfələrlə hər şeyin döyüş meydanında həll olunacağı fikirləri üstünlük təşkil edir. O, bu barədə fikirlərini Ednews-la bölüşüb.
“Ona görə mən deməzdim ki, Qərb sülh tərəfdarıdır. İkincisi isə Qərb Zelenskini Ukraynadan ayırır. Zelenski bir müddət dondurulması lazım olan müvəqqəti idarəçidir. Bütün münaqişələr dayanan kimi siyasətçilər, partiyalar, əhali Zelenskini korrupsiya və hərbi cinayətlərdə ittiham edəcəklər. Təbii ki, ölkə daxilində Zelenskinin yerində olmaq istəyən siyasəytçilər öz siyasi məqsədlərinə çatmaq üçün addımlar atacaqlar. Bu qüvvələr ya prezident kürsüsündə oturmaq , ya da prezidentin yanında yer almaq istəyirlər. Qərbə isə fasilə lazımdır. Çünki Qərb Rusiya ilə müharibədən yorulub dincəlmək istəyir. Ukraynanı 54 ölkənin dəstəkləməsinə baxmayaraq münaqişə hələ də davam edir. Çünki Avropa lazım olan qədər silah sursat istehsal edə bilmir. Avropa Birliyi dərk etdi ki, bu konflikt onun üçün çox baha başa gəlir. Xatırladım ki, Qərb Rusyaya qarşı tərtib etdiyi sanksiyalarına yarım trilon avro sərf edib. Bəlkə yenə də Rusiyaya qarşı mübarizə Ukraynanın əli ilə davam edəcək, amma bu dəfə başqa prezidentlə”.
Afaq