“Ancaq türk-fars münaqişəsinin olması, Azərbaycan və digər türk dövlətləri üçün əlverişlidir”.

Bu fikirləri Güney Azərbaycanlı politoloq, siyasi aktivist Elyar Kamrani Ednews-a açıqlaması zamanı deyib.

Politoloq hesab edir ki, Pezeşianın prezident seçilməsi İranda ciddi dəyişiklikliyə səbəb olmayacaq:

“İranda prezident seçkiləri ikinci raunda qalıb. Bu həftədə gördük ki, siyasi sensanional hadisələr oldu. Özəlliklə hakimiyyətə tam bağlı olan Səid Cəlili, demək olar ki, Pezeşian da hakimiyyətə bağlıdır, amma biraz ondan fərqlidir. Bunlar arasında biz siyasi çatışmazlıqları gördük, İran rejiminin Səid Cəfəriyə qarşı necə himayədarlıq etməsinin şahidi olduq. Danışıqlar belə gedir ki, İranda hər zaman seçkilərdə təqəllüblər (fırıldaqlar) olur. İranda xalq biraz həyəcana gəlibdir ki, Pezeşiana səs versinlər. Çünki İran camaatı uzun müddətdir seçki qutusu görmür. Hazır ki, İran rejimindən qismən fərqli olan Pezeşianın şansı var ki, prezident seçilsin. Lakin Pezeşian prezident seçilərsə, ola bilsin ki, verdiyi vədlərin çoxunu əməl edə bilməyə. Bunun da səbəbi siyasi rejimdə olan çatızmazlıqlardır. Məsələn xalq və hökümət arasında məsafə daha da genişlənə, türk-fars mübahisəsi qızışa bilər. Ancaq türk-fars münaqişəsinin olması Azərbaycan və digər Türk dövlətləri üçün əlverişlidir. Düşünmürəm ki Pezeşian hakimiyyətə gələrsə İrana qarşı olan sanksiyaların və hazır ki, düşdüyü vəziyyəti dəyişsin. Çünki İranda prezident lider mövqedir, lakin İran bir siyasi struktur ilə idarə olunmur”.

Xəyal Ramiz