Həm daxildən, həm də xaricdən təzyiqlərə məruz qalan Putin hakimiyyəti ən ağır günlərini yaşayır.  Ekspertlərin fikrincə,  artıq Kremldə  yeni siyasi liderin gəlişinin vaxtının çatdığını düşünür. Proqnozlara görə isə Ukrayna ilə müharibə davam etdikcə, Rusiya hakimiyyəti daha da aqressiv yollara baş vurmağa çalışacaq. 

Beynəlxalq Münasibətlər və Diplomatiya Araşdırmaları Mərkəzinin rəhbəri politoloq Samir Hümbətovun fikrincə,  artıq son zamanlar nəinki Rusiyada vətəndaş cəmiyyətləri arasında, hətta Kremldə belə prezident Putinə qarşı etirazlar artmağa başlayıb. 

“Bu gün xalq və hakimiyyətin daxilindəki nümayəndələr Vladimir Putunun tutduğu mövqeyindən son dərəcə narazıdır. Hətta ölkənin Müdafiə Nazirliyində belə Putini sevməyənlər var. Çünki bilirsiniz Rusiya Federasiyası təkcə Putindən ibarət bir sistem deyil. Ölkəni ayaqda tutan onun müdafiə nazirliyindən tutmuş milli təhlükəsizlik orqanlarına qədər hər bir qurum proseslərə nəzarət etməkdədir. Belə olan halda, Putinin özbaşına atdığı addım və qərarları adı çəkilən güc strukturlkarında böyük qıcıqlanma yaradır”. 

Politoloq Putini hakimiyyətdə qoruyan qüvvələr haqda danışıb. 

“Hər kəsə məlumdur ki, Putin karyerasını gizli kəşfiyyatda çalışmaqla başlayıb. O, KQB agenti kimi fəaliyyət göstərib. Bu həm də onun bir qədər daxildə və xaricdə olanlara qarşı soyuqqanlı davranmağına yardım edir. Putin uzun zaman Türkiyə və hətta keçmiş “QDR” adlanan Berlinin Sovetlər tərəfindən işğal edilən hissəsində fəaliyyət göstərib. Bu cür sahələrdə uzun müddətli fəaliyyəti ona geniş nüfuz qazandırıb və onun hakimiyyətdə qalmağına imkan yaradır”. 

Samir Hümbətova görə Putinə dəstək verən qüvvələr təkcə Rusiyada deyil, həm də xarici kəşfiyyatda da var.

 “Qeyd etdiyim kimi, Putinin təhlükəsizlik sahəsində gizli kəşfiyyatdakı fəaliyyəti uzun illər boyu onun üçün geniş əlaqələrə yol açıb. Bu gün Putin həm də xaricdən dəstək almaqdadır və burada istər Britaniya, istər Almaniya, istərsə də digər Avropa ölkələri onu dəstəkləməkdədir”. 

Elnur Ənvəroğlu