Zəlzələ zamanı çox sayda insan ölümü ilə əlaqədar olaraq Türkiyənin Azərbaycandakı səfirliyində matəm kitabı açılıb.
Ednews xəbər verir ki, Türkiyənin Azərbaycandakı səfirliyinin inzibati binasında dövlət bayrağı endirilib.
Bakı sakinləri səfirlik önünə gül dəstələri düzərək qardaş ölkədə baş vermiş zəlzələ zamanı həlak olanların xatirəsini ehtiramla yad edirlər.
Qeyd edək ki, fevralın 6-da Türkiyədə baş vermiş dağıdıcı zəlzələ nəticəsində son məlumatlara görə, 8 574 nəfər həlak olub, 49 133 nəfər xəsarət alıb, 6 444 bina dağılıb.
