Hakim Yeni Azərbaycan Partiyası İH-nin dünən keçirilmiş iclasında 2024-cü il sentyabrın 1-də Milli Məclisə keçiriləcək növbədənkənar seçkilərdə namizədlərini müəyyənləşdirib.
Ednews - un məlumatına görə əvvəlki heyətdə olan bir çoxlarının adı YAP-ın yeni siyahısına salınmayıb.
***
Akademik Nizami Cəfərov daha deputat olmayacaq. Oun da adı YAP-ın deputatlığa namizədləri siyahısında yoxur. Nizami Cəfərovun yerinə 108 saylı Ağstafa seçki dairəsindən Gülgün Kərim oğlu Kərimovun namizədliyi verilib.
***
YAP üzvü, “Azərbaycan” qəzetinin baş redaktoru Milli Məclisin növbədənkənar seçkilərində namizəd olmayacaq. Bəxtiyar Sadıqov siyahıdan kənarda qalıb. Onun adı YAP-ın namizədləri arasında yoxdur.
***
“Ana Vətən” partiyasının sədri Fəzail Ağamalı səhhəti ilə bağlı bu il parlament seçkilərində iştirak etməyəcək. Onun sözlərinə görə, qızı 65 sayılı Salyan-Biləsuvar-Neftçala seçki dairəsindən namizəd olub: “Bu il qızım, Günay Ağamalı 65 sayılı Salyan-Biləsuvar-Neftçala seçki dairəsindən namizəddir. Artıq qızımın namizədliyi təsdiq olunub.”
***
125 namizəd sırasına adı daxil edilməyən deputatlardan biri də 90 saylı Ağdaş seçki dairəsinin deputatı Cavid Osmanovdur. O, namizdəliyinin irəli sürülməməsinə belə reaksiya verib:
“Allah cənab Prezidentin canını sağ eləsin, iki dəfə etimad göstərib. Bu dəfə məsləhət deyil. İstənilən halda Partiyamızın qərarını canla-başla icra edirik. Bundan sonra da möhtərəm cənab Prezidentimizə və Yeni Azərbaycan Partiyasına sədaqətlə xidmət edəcəyəm”.
***
Milli Məclisə keçiriləcək növbədənkənar seçkilərdə YAP tərəfindən namizədliyi irəli sürülməyən deputatlardan biri də Əliabbas Salahzadədir. Ə.Salahzadənin atası, sabiq deputat Qalib Salahzadə oğlunun adının namizədlər sırasına daxil edilməməsi barədə deyib: “Əliabbas şəhərdə yaşayır, mən kənddə. Nəsə deyə bilmərəm. Yəqin, Partiya belə məsləhət bilib, vəssalam də. Burda nə var bəyəm? Hələ bayaq xəbər tutdu. Özü nə düşünəcək? Partiya nə deyibsə, odur, qurtardı-getdi…”
***
İclasda Naxçıvanın sabiq rəhbəri Vasif Talıbovun namizədliyi də irəli sürülməyib. Vasif Talıbovun deputat seçildiyi 1 saylı Şərur-Sədərək Seçki Dairəsindən Milli Məcisin deputatı, parlament sədrinin sabiq birinci sədr müavini Ziyafət Əsgərovun namizədliyi irəli sürülüb.
***
Namizədlər siyahısında olmayan daha bir qrup deputat bunlardır:
Elnur Allahverdiyev,
İqbal Məmmədov,
Elşad Mirbəşirli,
Mahir Abbaszadə,
İsa Həbibbəyli,
Oqtay Əsədov
-----------------------------
Əkbər Novruz
