Azərbaycan Respublikası Minatəmizləmə Agentliyinin (ANAMA) mətbuat xidməti fevralın 10-da Xocavənd rayonunun Çartaz kəndi ərazisində hərbi sursatın partlayışı hadisəsi ilə bağlı məlumat yayıb.
Agentlikdən Ednews-a verilən məlumata görə, arıçılıq təsərrüfatı ilə məşğul olan 1996-cı il təvəllüdlü Ələsgərov Samir Füzuli oğlu arı yeşiklərini yığarkən yerdən tapdığı əl qumbarasının partladıcısına müdaxilə zamanı baş verən partlayış nəticəsində sağ əlindən xəsarət alıb.
Zərərçəkən şəxsin sağ əlinin 3 barmağı amputasiya olunub.
ANAMA bir daha vətəndaşları təhlükəsizlik qaydalarına riayət etməyə, tanımadıqları əşyalara toxunmamağa, təhlükə bildirən bütün əlamətlərə diqqətlə yanaşmağa çağırır.