"COP29 son illərin ən mühüm iqlim konfransı olacaq"
Ednews xəbər verir ki, bu sözləri ABŞ Prezidentinin İqlim üzrə xüsusi nümayəndəsinin müavini Syu Biniazini, ADA Universitetində İnkişaf və Diplomatiya İnstitutu (IDD) və ABŞ səfirliyinin birgə təşəbbüsü ilə keçirilən tədbirdə söyləyib.
“Beynəlxalq İqlim Əməkdaşlığına Perspektivlər” adlı iqlim böhranının həlli üzrə beynəlxalq əməkdaşlıq mövzusunda keçiriləcən tədbirə rəhbərlik edən Syu Biniazi çıxışına iqlim məsələri üzərində imzalanan müqavilələrin tarixi icmalı ilə başlayıb.
O, 1992-ci il İqlim Dəyişikliyi üzrə Çərçivə Konvensiyasından (FCCC), 2015-ci il Paris Sazişinə qədərki prosesin vacibliyini vurğulayaraq, müxtəlif siyasi-iqtisadi şəraitə malik dövlət və qeyri-dövlət aktorlarının birləşməsindəki çətinlikləri vurğuladı. Bu çətinlik səbəbindən hazırki imkanlar ilə bu çətinliklərin aradan qalxacağı fürsətini vurğulayıb.
Xanım nümayəndə çıxışının davamında Azərbaycanın COP29 tədbirinin ev sahibi ölkəsi kimi rolu ilə bağlı sualları da ünvanlayıb. O, qeyd edib ki, Azərbaycan Muxtar Babayevin rəhbərliyi ilə tədbirin əsas istiqamətlərini müəyyən edəcək. Bunun üzərinə Bakıda keçiriləcək tədbirin iqlim məsələlərinin gündəmdəki önəminə və Azərbaycan tarixinə böyük töhfə verəcəyini vurğulayıb.
