Türkiyədə yaşayan azərbaycanlı bloger Mamed Abdullayev Qarabağa səfər edib.

Ednews xəbər verir ki, o, bloqunda Azərbaycana dəvət olunduğunu və işğaldan azad edilmiş ərazilərinə, Qarabağa səfər etməyin onun üçün böyük şərəf olduğunu bildirib.

M.Abdullayev Azərbaycanın İslam dininin və mənəvi dəyərlərin dirçəldilməsi istiqamətində müsbət tendensiyanı yüksək qiymətləndirdiyini də qeyd edib.

Beynəlxalq Avrasiya Mətbuat Fondunun prezidenti Umud Mirzəyev işğaldan azad edilmiş ərazilərə səfəri  zamanı blogerə müsahibə verənlərdən biri olub. O, müsahibəsində jurnalistikaya ilk gəlişini xatırlayıb:

“70-ci illərin sonu, 80-ci illərin əvvəllərində mənim ilk jurnalist qeydlərim burada, bu ərazilərdə yerləşən “Araz” qəzetinin redaksiyasında çap olunub”.

Bloger daha sonra Birinci Qarabağ müharibəsi zamanı ermənilərin xalqımıza qarşı törətdikləri vəhşilikləri, o cümlədən möhtərəm Prezidentimiz İlham Əliyevin rəhbərliyi ilə İkinci Qarabağ müharibəsində xalqımızın möhtəşəm qələbəsini də danışıb. 

Qeyd edək ki,  Mamed Abdullayev uzun illər Rusiyada yaşayıb. Onun youtube kanalına üzv olanların sayı  410 min nəfərdir. 

Blogerin Qarabağ səfəri ilə bağlı ətraflı video-süjetdən izləyə bilərsiniz:

Oğuz