Facebook sosial şəbəkənin elan qrupunda bir nəfər böyrəyini satışa çıxarıb. Hətta qiymətini də qeyd edib. Həmin şəxs borcunun çox olduğunu və məcbur qaldığından bu addımı atdığını yazıb. Müxtəlif illərdə sosial şəbəkələrdə orqan satışı ilə bağlı elanlara rast gəlmişik. Xüsusən də böyrək satışı ilə bağlı elanlar çoxluq təşkil edib. Hüquqşünaslar orqan satışının qanunla qadağan olunduğunu deyirlər. Özlərini yarımcan qoymaq istəyənlərlə bağlı qanunvericilikdə nə nəzərdə tutulub?

Hüquqşünas Şamil Paşayev Ednews-a açıqlamasında bildirib ki, orqan transplantasiyası üçün müvafiq xəstəxanaların, müvafiq klinikaların yerləri müəyyən edilib.

Onun sözlərinə görə, qeyd olunmuş klinikalardan kənarda bu işi həyata keçirmək və pul ödənişləri müqabilində qanundan kənar yollarla orqan satmaq Cinayət məcəlləsində müvafiq olaraq məsuliyyətə səbəb olur:

“Orqan transplantasiyası və orqanların köçürülməsi Azərbaycanda qəbul olunmuş qanuna və Nazirlər Kabinetinin təsdiq etdiyi qaydalara uyğun həyata keçirilməlidir. Qanunsuz orqan alveri, bədən üzvlərinin satışı və şəxsi orqan transplantasiyasına məcburetmə hallarında vətəndaş cinayət məcəlləsinə uyğun olaraq 3 ildən 5 ilə kimi azadlıqdan məhrumetmə ilə cəzalandırıla bilər. Orqan donorluğu və transplantasiya qanunçuluq, humanizm, könüllülük, həmrəylik, şəfqət və təmənnasızlıq prinsiplərinə əsaslanır”.

Oğuz