"Azərbaycan filmlərinin həm çatışan həmdə çatışmayan cəhətləri var. Xaricdən gələn aktyor və aktrisalara çox böyük məbləğdə  fantastik büdcə ayrılır. Bəs ölkə aktyorlarına necə? Onlara niyə maliyyə ayrılmır?"

Ednews xəbər verir ki, bu sözləri gənc  aktyor Corc Qafarov qonaq olduğu “ Sabahın xeyir Azərbaycan” verilişində deyib.

Proqramın aparıcısının “ xarici ölkədə uğur qazandıqdan sonra həmkarlarınız buna necə yanaşdılar? Ətrafınızda ürəkdən sevinən varmı? Sualına Corc “ Sən demə bütün həmkarlarım ürəkdən sevinib”, deyə cavablandırıb.

Aktyor vurğuladı ki, hamı Azərbaycan da olan vəziyyəti başa düşür: "Ona uyğun uğur arzulayır. Dünya arenasında Azərbaycan aktyoru yoxdur. Bizim aktyorlar və rejirssorlarımızın çoxunun da ümidi artıq itib. Hamı barışıb ki, Azərbaycan da kino sahəsi inkişaf etmir. Təzəlikcə bir layihəyə məni dəvət etdilər. Çəkiləcəyim filmə görə  qonarar danışdıq. Qonarar isə çox az. Verdiyi ilk sual bu oldu ki, siz ümumiyyətlə filmə çəkilmisiz? Bu mənə birinci zərbə oldu. İkinci zərbə o oldu ki, siz ümumiyyətlə  dediyiniz qonararla başqa bir filmdə çəkilmisiz? Belə suallar insanı qəribə çərçivəyə salır".

Qeyd edək ki, rusların Türkiyədə çəkdiyi "Блеск" (“Parıltı”) adlı serialda Corc, Serkan Bolat adlı baş qəhramanı canlandırıb. Həmin serial Rusların "ИВИ" adlı ödənişli leqal online-video kanalında yayımlanıb. Corc Qafarov "İlahi məxluq", "Dolu", "Bakı, mən səni sevirəm", "Sonuncu" bədii filmlərində, "İmtahan", "Ata ocağı" və bir çox digər serialda həmçinin Xalq artisti Emin Ağalarov və Jony-nin "Ay işığında gecə" adlı mahnıya çəkilmiş klipdə rol alıb.

Aynurə İsmayıl