Azərbaycanda baş tutmuş 2 - ci Şuşa Qlobal Media Forumunun ikinci panel müzakirələri zamanı İngilis kanalının xəbərlər müdiri Salah Nejm dezinformasiyanın nə üçün yarandığına dair maraqlı bir məruzə ilə çıxış edib.
Ednews təqdim edir:
"Reazerbaijan" layihəsinin təsisçisi Adnan Hüseyn sual-cavab sessiyasında bildirib:
- Dezinformasiyaya qarşı daha dayanıqlı cəmiyyət qurmaqdan danışırıqsa, məncə, informasiyanın bir hissəsi olan, onları informasiyanın bir hissəsinə çevirən insanlar cəmiyyətindən danışmalıyıq. Və hesab edirəm ki, biz azərbaycanlılar olaraq bu barədə o mənada çox şey bilirik ki, 30 illik Ermənistanın torpaqlarımızı işğalı zamanı bir milyona yaxın azərbaycanlı qaçqın və məcburi köçkünün hekayəsi beynəlxalq ictimaiyyətin diqqətindən kənarda qalıb. Halbuki bu gün Azərbaycan torpaqlarını işğaldan azad etdikdən sonra öz separatçı liderlərinin təzyiqi nəticəsində Qarabağı tərk edən ermənilərin şişirdilmiş sayı ilə bağlı manipulyasiya edilmiş faktlar və məlumatlar müzakirə olunur. Və mənim sualım budur ki, cəmiyyəti və insanları dezinformasiyaya dayanaqlı, hazırlıqlı etməkdənsə, onları daha çox informasiya prosesinini bir bir hissəsi etmək üçün nə etməliyik?
Suala cavab olaraq, "Düşünürəm ki, bu gün insanlar təbiətcə informasiya prosesinin bir hissəsidir. Onlar informasiya qəbul edənlərdir və məlumatın yayılmasında iştirak edirlər. Və bu, hər gün daha çox baş verir. İnsanlar informasiyanın yayılmasının bir hissəsi kimi xəbərləri nəzərdə tutmurlar, çünki onların yaydıqları məlumat yanlış ola bilər. Dezinformasiyada iştirak edən də budur. Başqalarına zərər vermək və ya hekayəni dəyişmək niyyətində olmasalar, buna dezinformasiya deməzdim" - deyə Salah Nejm bildirib.
Əkbər Novruz
