3 iyul Heydər Əliyev Fondunun vitse-prezidenti, İDEA İctimai Birliyinin təsisçisi və rəhbəri Leyla Əliyevanın doğum günüdür.
Leyla xanım həm də gözəl şeirlərin müəllifidir.
Leyla Əliyeva humanist fəaliyyəti ilə tanınan ictimai xadimlərdən biridir. O, xeyriyyəçilik, sosial dəstək və ekoloji layihələrdə fəal iştirak edərək cəmiyyətin rifahına töhfə verir.
Onun təşəbbüsü ilə həyata keçirilən müxtəlif layihələr aztəminatlı ailələrə, uşaqlara, yaşlılara və xüsusi qayğıya ehtiyacı olan insanlara dəstək göstərilməsinə yönəlib.
Leyla Əliyeva təhsilin, mədəniyyətin və ətraf mühitin qorunmasına da xüsusi diqqət yetirir. O, insanların bir-birinə qarşı mərhəmətli, qayğıkeş və məsuliyyətli olmasının vacibliyini vurğulayır. Onun dəstəklədiyi xeyriyyə aksiyaları cəmiyyətdə həmrəylik və humanizm dəyərlərinin güclənməsinə xidmət edir.
Leyla Əliyevanın fəaliyyəti göstərir ki, humanistlik yalnız sözlə deyil, həm də insanların həyatını yaxşılaşdıran əməli addımlarla ifadə olunur. Bu baxımdan, onun həyata keçirdiyi sosial və xeyriyyə layihələri humanizm prinsiplərinə sadiqliyin nümunəsi kimi qiymətləndirilə bilər.
Leyla xanımı doğum günü münasibətilə təbrik edir, ona uzun ömür cansağlığı və fəaliyyətində uğurlar arzu edirik!
(Milli Dəyərlər üzrə Maarifləndirmə İctimai Birliyinin sədri Gülşən BEHBUD)
