Şərqi Zəngəzur iqtisadi rayonuna daxil olan Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəsi Vahid Hacıyev bildirib ki, bölgənin infrastrukturunun inkişaf etdirilməsi istiqamətində intensiv iş aparıldığını qeyd edib. Günəşli günlərin sayının çox olduğu bölgədə günəş enerjisinin potensialı böyükdür. Bu baxımdan həmin potensial nəzərə alınaraq şəhərlərin baş planına əsasən, bütün evlərin və yaşayış binalarının damına günəş panelləri quraşdırılacaq. Hazırda bölgədə 4 su elektrik stansiyası tikilir, onlardan ikisinin inşası başa çatdırılıb, ikisinin isə ilin sonunadək tamamlanması gözlənilir.

Məsələ ilə bağlı deputat Rüfət Quliyev Ednews-a açıqlamasın da  bildirib ki, Prezident İlham Əliyevin həm Zəngilan iqtisadi zonası, həm də Qarabağ iqtisadi zonası ilə bağlı xüsusi planları var.

“Bu planlar ondan ibarətdir ki, orada görüləcək bütün işlər beynəlxalq standartlara cavab verəcək. Bura yaşıl enerji də aiddir. Orada təchiz olunan qurğular yüksək standarla və ən inkişaf etmiş aparıcı  şirkətlərin məhsulları olacaq. Panellər, stansiyalar bu formatda qurulacaq. Planlar addım-addım həyata keçirilir. Vətəndaşlara firəvan yaşamaları üçün şərait yaradılır. Həmçinin, orada sosial infrastruktur və iş yerləri açılacaq”.

Deputat işğaldan azad edilmiş ərazilərə qayıdan insanların tam rahat şəkildə həyatlarını qura biləcəklərini vurğulayıb:

“Təbiidir ki, orada kənd təsərrüfatı inkişaf edəcək çünki bu mühüm və vacib məsələdir. Öncə insanlar üçün  kənd təsərrüfatına lazım olacaq şərait qurulacaq. Əvvəl rayon  özü-özünü təmin edəcək . Daha sonra isə məhsullar Azərbaycanın digər rayonlarına göndəriləcək. Məhsulların sayı artdıqca dünya bazarına ixrac ediləcək. Bunlar hamısı planlı şəkildə gedir. Qarşımıza qoyduğumuz bütün məqsədlərə çatacayıq”.

Aysel Şahmar