Bildiyimiz kimi, Yaşıl Enerjiyə təlabat ciddi həcmdə artıb. Buna görə də Azərbaycan öz iqtisadiyyatında Yaşıl Enerjiyə keçid edir. Neft ölkəsi kimi, bu siyasət Azərbaycanın iqtisadiyyatı hansı formada dəyişə bilər?

Mövzu ilə bağlı Ednews-a danışan pakistanlı iqtisadçı ekspert, Mərkəzi Asiya, Türkiyə və Yaxın Şərqin iqtisadiyyatı üzrə analitik Məhəmməd Əli Paşa Azərbaycan iqtisadiyyatının keçid mərhələsində olduğunu bildirib: 

“Son otuz ildə Azərbaycan aşağı gəlirli ölkədən yuxarı gəlirli ölkəyə diqqətəlayiq bir keçid edib. Buna baxmayaraq, tükənən enerji sahəsində inkişaf uzunmüddətli olmur. Ölkənin coğrafi vəziyyəti və geniş iqlim resursları Yaşıl Enerjiyə keçid edilməsinə şərait yaradır. Azərbaycan özünün alaternativ enerji iddiaları ilə dünyada fərq yaradacaq dövlətlərdəndir. Özünün 2030-cu ilə qədər “Yaşıl Keçid” planları onun bərpaolunan enerj sahələrində ən qabaqcıl dövlətlərdən birinə çevirə bilər. 

Bu keçidin əsas mənbəyi müxtəlif iqtisadiyyat sahələrində Yaşıl Enerji siyasətinin qəbul edilməsidir. Bunu da deyim ki, Azərbaycan həm də növbəti illərdə enerji sektorunda neft və təbii qaz emissiyalarından qurtulmağa cəhd göstərən bir ölkə kimi karbon-hidrogen tullantılarının minimuma endirilməsi yönündə fəaliyyət aparır.

Həm özəl, həm də dövlət sektorlarında yaşıl investisiya qoyulması daha dayanıqlı market yaradır. Yeni iş yerlərinin yaradılması və qlobal marketə alternativ enerji mənbələri çıxarmaq baxımından Azərbaycan öz iqtisadiyyatında yeni mərhələyə keçid elə bilər”.

Orta Dəhliz layihəsinin ölkədə ikişaf etdirilən Yaşıl Enerjiyə necə təsir edəcək?

“Orta Dəhliz layihəsi alternativ enerji sahələrinin massiv şəkildə yayılması üçün olduqca böyük əhəmiyyətə sahibdir. Elektrik enerjisinin Azərbaycan vasitəsilə Mərkəzi Asiya və Uzaq Şərqdən Avropaya yönləndirilməsi bir o qədər də bahalı bir layihədir. Məhz bu səbəbdən Qazaxıstan və Özbəkistan kimi dövlətlər alternativ enerji sektorları inkişaf etdirməyə çalışır. 

Qazaxıstandan Trans-Xəzər keçidi və Azərbaycan vasitəsilə Gürcüstan, Türkiyə, Bolqarıstan və Macarıstan kimi ölkələr bu enerji yol layihəsindən yararlanmağa çalışırlar. Adıçəkilən yolla 4 megavat gücündə enerjinin göndərilməsi mümkündür. 

Hazırda Mərkəzi Asiya ölkələri və Türkiyə alternativ enerji sahəsində birgə fəaliyyət göstərmək üçün can atırlar. Davamlı inkişaf üçün yeni layihələrə start verən Azərbaycan bu məsələdə ən vacib ölkədir”.

Fərid