Pekin milyarderlərin bu il üçün yeni paytaxtı elan olunub. "Forbes" tərəfindən hazırlanan reytinqə görə, ilk dəfə Pekin Nyu-Yorku qabaqlayaraq milyarderlərin sayına görə birinci olub.
Eurasia Diary xəbər verir ki, Çin paytaxtı 33 yeni milyerderi ilə artaraq sayı 100-ə çatdırılıb. Nyu-Yorkda isə say 99-dur. Pekinin ən varlı sakini, sərvəti 35,6 milyard dollar olan TikTok-un ana şirkəti ByteDance-in qurucusu Zhang Yimindir. Keçmiş Nyu-York meri Maykl Blomberg 59 milyard dollarlıq sərvəti ilə ən varlı Nyu-Yorklu sayılır.
ABŞ uzun müddət dünyanın digər ölkələrindən daha çox milyarderlərin vətəni olub, ancaq Çin onları qabaqlayır. Forbes-in hesabatına görə, son bir ildə Çin və Hong Kongda 210 yeni milyarder ortaya çıxdı - bu, digər ölkələrdən daha çoxdur. Beş Çin şəhəri ən çox milyarder olan on şəhər sırasındadır. Siyahını 48 milyarderlə səkkizinci yerdə olan San Francisco bağlayır. Dünyanın super zənginləri, pandemiyaya və tənəzzülə baxmayaraq son bir ildə daha da zənginləşdilər. Qlobal olaraq 660 nəfər yeni milyarder oldu.
