Müasir dövrümüzdə təbii daşlardan hazırlanan aksesuarlar geniş istifadə olunmaqdadır. Aksesuarları bəzəyən  hər bir daşın isə özünəməxsus xüsusiyyətləri var.

Qədim dövrlərdə yaşayan insanların fikrincə, qiymətli daşların daxilində sağlamlıq və mənəvi rahatlıq gətirən enerji var. Bununla əlaqədar olaraq bəzi sivilizasiyalar bədəndə enerji axınını asanlaşdırmaq üçün qiymətli daşlardan istifadə edirdilər. Bu gün də bir çox insan onların faydalarını qəbul edir. Təbii daşlardan daha çox müxtəlif şəfa növünü təşviq edən ruhani təcrübələrdə istifadə edilir. Bundan əlavə, bu daşlardan bədəndə enerji balansını bərpa etmək, rifahı və sülh hissini artırmaq üçün də istifadə olunur.

Qiymətli daşlar tərkibindən asılı olaraq, insan bədəninin, ağılının və ruhunun müxtəlif aspektlərində homeostaz əldə etməyə imkan verir. Daşların insanlara dərin təsir göstərə bilməsinin səbəblərindən biri də bədənin hüceyrələrdən ibarət olması və onların kristallarının eyni silikon-dioksid tərkibi ilə rezonans yarada bilməsidir. Buna görə də, bu cür materiallar enerjinin ötürülməsi və axını ilə fizika qanunlarına əsaslanan titrəyiş effekti yaradır. Bunu da qeyd edək ki, hər bir daşın fərqli təsirlər yarada bilən müxtəlif kimyəvi tərkibi var.

Ednews təbii daşların növləri və onların insana faydaları ilə bağlı araşdırmanı oxucularına təqdim edir.

“Pələng Gözü” daşı

“Pələng Gözü”  kristalı kvarsdan təşkil olunub. Daşın tərkibindəki maddələr kristalın krosidolitini ələ keçirərək, sözügedən mineral üzərində əriyib ona incə lifli forma verdikdə əmələ gəlir. Qiymətli daş toksik emosiyalara qarşı gələrək gücü təşviq etməyə kömək edir. Müalicəvi xüsusiyyətlərə əlavə olaraq, “Pələng gözü” insanlara özünə inamsızlığın  mənfi enerjisini aradan qaldıraraq azadlıq hissi aşılayır.

“Qara turmalin” daşı

“Qara Turmalin” elbaitdən ibarətdir. Turmalinə daha çox isti və minerallarla zəngin olan dərin yeraltı boşluqlarda rast gəlmək mümkündür. Sözügedən daş növü, buradakı mayelərin soyuması nəticəsində əmələ gəlir. Qara turmalin təmizləyici xüsusiyyətləri ilə də məşhurdur. Bunu da qeyd edək ki, “Qara Turmalin” insan bədənindəki enerjini tarazlaşdırır.

“Qırmızı Jasper” daşı

Jasper, vulkanik süxurların çatları kimi materiallar və formalarla qarışdırılmış mikrokristal kvarsdır. Qırmızı Jasper isə kərpic rəngində olan kvars növüdür.İnsan həddən artıq stresslə yükləndikdə, bu daş enerji tarazlığını bərpa edərək bədəni sabit saxlamağa kömək edir. Əlavə olaraq, “Qırmızı Jasper” diqqəti toplamaq üçün həyəcanı idarə etməyə də kömək edir.

“Sodalit” daşı

Sözügedən daş növü, tərkibindəki natriumdan ibarətdir. “Sodalit daşı” vulkan parçalarının boşluqlarında, metasomatizasiya olunmuş əhəngli süxurlarda, fonolitlərdə və digər oxşar birləşmələrdə silisiumsuz süxurlarda əmələ gəldiyinə görə  belə adlandırılıb. Harmonizator kimi də tanınan daş, inam və ünsiyyəti inkişaf etdirmək üçün mükəmməldir.  

Nəzrin Beydiyeva