Avstraliyalı zooloq və heyvan hüquqları fəalı Robert İrvin dünyanın ən təhlükəli hörümçəklərindən birinin Sidney huni torlu hörümçəyi olduğunu bildirib.
EDnews xəbər verir ki, o, "LADbible Stories" podkastında deyib ki, bu növün zəhəri olduqca güclüdür və hörümçəklər əsasən şəhər ərazilərində yaşayırlar.
Bununla belə, İrvin onların aqressiv olmadığını vurğulayıb.
Zooloq bildirib ki, bu hörümçəklər ayaqqabıların içinə girməyi sevdiyi üçün geyinməzdən əvvəl ayaqqabını çevirib yoxlamaq vacibdir.
Mütəxəssislərin fikrincə, Sidney huni torlu hörümçəyi insan üçün ölümcül təhlükə yarada bilən azsaylı hörümçək növlərindən biridir.
Məlumata görə, 1927–1981-ci illərdə bu növün sancması nəticəsində azı 13 nəfər həyatını itirib. Lakin 1981-ci ildə zəhər əleyhinə preparat hazırlandıqdan sonra ölüm halı qeydə alınmayıb.
