“Laçını tərk etmək istəməyən ermənilər təxribata əl atmağa cəhd göstərsələr, ordumuzun dəmir yumruğu yenidən işə salınacaq”. 

 

Bu sözləri Ednews – a açıqlamasında hərbi ekspert Ədalət Verdiyev Laçında işğal dövrü ərzində məskunlaşan erməni sakinlərin hər hansı təxribat törətməyə cəhd edəcəyi ehtimalını şərh edərkən bildirib. 

 

Onun sözlərinə görə, Laçın şəhərində  və onun ətrafında yerləşən kəndlərdə təhvil-təslim işləri rəsmi olaraq hələ başlanılmayıb.  

 

“Lakin ərazisinin boşadılması prosesinə artıq başlanılıb. Ermənilər həmin ərazilərdən gətirib yerləşdirdikləri müxtəlif saxta dini elementləri, o cümlədən xaçkarları və dini abidələrinə vurduqları löhvələri daşımaqla məşğuldurlar. Məktəb və digər təhsil müəssisələri tamamilə boşadılır. Şəhərdən və ətraf kəndlərdən əhalinin köçürülməsi ilə əlaqədar işlər görülür. Zabux kəndində yerləşən ermənilərin bir hissəsi artıq köçürülüb. Həmin kəndə 54 ailə yaşayır, onlardan yeddi ailə sülhməramlıların nəzarəti altında olan ərazilərimizə köçürüləcək, qalanları isə Ermənistana gedəcək”. 

 

Ədalət Verdiyev Laçında ermənilərin təxribat törətməsi ehtimalını da istisna etməyib. 

 

“Ermənilərin həmin ərazini tərk etməsi üçün iki həftədən az müddəti qalıb. Amma istənilən halda Laçının boşadılmasından əvvəl və ya sonrakı dövrlərdə qanunsuz erməni silahlarının təxribat törədəciyini kimsə istisna edə bilməz. Odur ki, belə həssas dönəmdə təhlükəsizlik qüvvələrimizin və ordumuzun daha da ayıq-sayıq olmasına müşahidə edirik. Ordumuz nəzarət tədbirlərini daha da gücləndirir”. 

 

Ə.Verdiyev qisas əməliyyatının növbəti cəzalandırma mərhələsinin istənilən halda mümkün olduğunu bildirib.

 

 “Azərbaycana qarşı təxribat və ya təxribat xarakterli bəyanat, eyni zamanda bu təxribatların həyata keçirilməsi istiqamətində atılan addımlar müşahidə edilərsə, Azərbaycan ordusunun dəmir yumruğu növbəti dəfə erməni silahlarının başında çatlayacaq. Biz hamımız bundan əminik”. 

 

Qeyd edək ki, işğal dövrü ərzində Laçında məskunlaşan ermənilər Laçın şəhərini və onun ətrad kəndləri – Zabuxu, Sosu tərk etməyə başlayıblar. Onlara ərazinin boşadılması üçün avqustun 25-dək vaxt verilib.  Zabuxda 54 erməni ailəsi yaşayır, onlardan yeddi ailə Qarabağa, digərləri isə Ermənistana köçürülməsi nəzərdə tutulub. 

 

Erməni sakinlərin evlərini, məktəblərini və mülklərini boşaltdığını, hətta özlərinə məxsus qəbir daşlarını və xaçkarları çıxartması ilə bağlı sosial şəbəkələrdə videolar yayılıb.

 

Yunis Abdullayev 

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary