Yekaterinburqda fəaliyyət göstərən və Rusiyanın tanınmış xəbər portallarından biri olan "Ura.ru" nəşrinin redaksiyasında və bir neçə əməkdaşın mənzilində axtarışlar aparılıb. Məlumatı nəşr özü də yayımladığı bəyanatla təsdiqləyib.
EDnews xəbər verir ki, Rusiya İstintaq Komitəsinin əməkdaşları nəşrin baş ofisinin fəaliyyətini dayandırıb və redaksiya binasını bloklayıblar.
"Telegram" kanallarında yayılan və axtarışın səbəbləri kimi göstərilən versiyalar barədə isə redaksiya bildirib ki, bunlar "ən qeyri-adi və aldadıcı" iddialardır.
"Hər hansı şəkildə həkimlərin maliyyələşdirilməsi və ya digər oxşar hallar barədə deyilənlər tamamilə əsassızdır", – deyə "Ura.ru" rəhbərliyi qeyd edib.
Hazırda istintaq orqanları tərəfindən saxlanılan şəxslərin kimliyi və axtarışların dəqiq səbəbi barədə rəsmi açıqlama verilməyib.
Fatimə Shukurova // EDnews
