Xocahəsənə çəkilən metro Binəqədiyə nə zaman çatacaq? - Bəxtiyar Məmmədovdan ÖZƏL AÇIQLAMA - ednews.net

20 May, Cümə

(+994 50) 229-39-11

Xocahəsənə çəkilən metro Binəqədiyə nə zaman çatacaq? - Bəxtiyar Məmmədovdan ÖZƏL AÇIQLAMA

Cəmiyyət A- A A+

Bu ilin sonunadək Xocahəsəndə yerüstü metro stansiyasının açılması barədə yayılan xəbərlər Binəqədi qəsəbəsinə də metro xəttinin çəkilmə tələbini yenidən aktuallaşdırıb. Belə ki, o ərazi və ətrafında yaşayan əhali tərəfindən dəfələrlə gediş-gəlişi asanlaşdırmaq üçün metro xəttinin çəkilməsi təklif olunub.

Lakin məsələ hələ də öz həllini tapmayıb.

EDNews.net son görülən işlər haqqında "Bakı Metropoliteni” QSC-nin mətbuat xidməti və ictimaiyyətlə əlaqələr şöbəsinin rəisi Bəxtiyar Məmmədovla söhbətləşib. Mətbuat katibi bildirib ki, Binəqədi qəsəbəsində inşası gözlənilən stansiya ilə bağlı Bakı Metropoliteninin konseptual inkişaf sxemi hələ 2011-ci ildə təsdiq edilib.

“Bu sxemə uyğun olaraq metropolitenin sarı xəttinin başlanğıcı və yaxud sonu Binəqədi qəsəbəsinin ərazisindən başlamalıdır. Dünya təcrübəsində olduğu kimi metro xətlərinin konseptual sxemdə yeri təsdiq olunur. İnşası nə zamansa planlaşdırılacaq və layihələndirmə işi görülərək aparılacaq”,- deyə o, qeyd edib.

Söhbət əsnasında Bəxtiyar Məmmədov hazırda Xocahəsən qəsəbəsində metropolitenin nəzdində elektrik deposu inşa olunduğunu da deyib. Onun sözlərinə görə, inşanın ilkin mərhələsi bu ilin sonuna qədər tamamlanacaq.

O, metro stansiyanın inşa edilməsi səbəbi ilə bağlı bildirdi ki, metronun inşaat prinsiplərinə görə, bənövşəyi xəttin özünün elektrik deposu olmaldır.

“Hazırda bənövşəyi xəttin elektrik deposu Xocahəsən rayonunda inşa olunur. Həmin ərazidə yaşayan və ərazidən istifadə edən insanların sayı kifayət qədər çox olduğundan və ərazi inkişaf etdiyindən orada yerüstü metro stansiyanın olması qənaətinə gəlinib. Bu səbəbdən Nərimanov elektrik deposunun yaxınlığında Bakmil stansiyası olduğu kimi burada da yerüstü stansiya olacaq və sərnişinlərə xidmət göstərək. Bakmildən əsas fərqi ondadır ki, bənövşəyi xətt üzrə 7 vaqonlu qatarlar hərəkət etdiyi üçün həmin stansiya 7 vaqonluq qatarlar üçün uyğunlaşdırılmalıdır. Ona görə stansiya yolunun uzunluğu 144 metr olacaq”.

Gülnar Səlimova

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...