Samux rayonu Çobanabdallı kənd məktəbinin hazırlıq qrupunun şagirdləri sinif otağına buraxılmayıb.
Ednews xəbər verir ki, bu barədə sosial şəbəkələrdə görüntülər yayılıb. Məlumata görə görüntüləri məktəbin ibtidai sinif müəlliməsi Elianora Məmmədova paylaşıb.
Videoda şagirdlərin sinif otağına buraxılmayaraq məktbin dəhlizində gözləməsi əks olunub.
Məktəbdən verilən məlumata görə uşaqların sinif otağına buraxılmamasına göstəriş məktəbin direktoru tərəfindən verilib. Lakin direktor Şakir Əhmədov ittihamları rədd edərək bildirib ki, görüntülər sabiq direktorun qızı tərəfindən məqsədyönlü şəkildə yayılıb.
Rayon Təhsil Şöbəsin də məktəb direktorunun dediklərini təsdiqləyib.
Qurumun rəsmisi Ülviyyə Rəhimovanın sözlərinə görə, məktəbin sabiq direktorunun övladları təhsil ocağında rəhbər vəzifəyə iddialı olduqları üçün bu cür qərəzli görüntüləri bilərəkdən yayıblar.
