Azərbaycanda bitki sağlamlığının izlənilməsi məqsədilə 2 500 pomidor, 326 alma, 1 062 kartof, 68 soğan təsərrüfatında və 64 meyvə bağında monitorinqlər aparılaraq təsərrüfat subyektlərinin reyestri formalaşdırılır.

Məsələ ilə bağlı Ednews-a Tərəvəzçilik Elmi-Tədqiqat İnstitutunun İdarə heyətinin sədri Elmar Allahverdiyev açıqlama verib. 

O bildirib ki, viruslu bitkilər bütün bölgələrdə müşahidə olunur. 

“Əsasən isə kartof əkinlərində olur. Bölgələr içində Cəlilabad bölgəsində virusa yoluxan bitkilər çoxluq təşkil edir. Virusun konkret arealı yoxdur. İstənilən ərazidə ola bilir. Virus toxumla daha çox yayılır. Xarici ölkədən gələn bitkilərin zərərli virusları isə AQTA tərfindən yoxlanılır. Bütün toxumlar, bitkilər AQTA tərəfindən yoxlanılır.  Reysterin olması çox yaxşı bir haldır. Əvvəllər də bunların hamısı qeydiyyatda var idi. Elektron kənd təsərüfatı sistemi ilə bütün fermerlər qeydiyyatdan keçirdi”.

Elmar Allahverdiyev  fermerlər haqqında məlumatların həmin sistemdə olduğunu vurğulayıb:

“Əgər müraciət olurdusa nazirlik tərəfindən həmin əraziyə gedilir və baxışlar keçirilirdi. Lakin reysterlə konkret olaraq yoxlanılışlar keçiriləcək. Xəstəlik törədən viruslar və zərərvericilər yoxlanacaq. Bu da olduqca faydalıdır. Çünki virus xəstəliyi olan bitkilərin müailəcəsi yoxdur. O bitkilər yalnız sahədən uzaqlaşdırılmalıdır. Əvvəlcədən monitorinq aparılsa, digər sahələrə yayılmaz. Bu virus xəstəliyi elədir ki, əl ilə toxunduqda belə digər sağlam bitkilərə keçir. Sağlam torpağı belə virus çirkləndirir. Ona görə də əkin sahələrində monitoriqnlərin keçirlməsi əsas şərtlərdən biridir. Monitorinqlər isə müxtəlif qurumlar tərəfindən aparılır”.

Aysel Şahmar