Çağdaş dövrdə texnoloji yeniliklər nəticəsində ölkədə və dünyada baş verən hadisələrlə operativ tanış olmaq daha əlçatan olub.Bu operativliyin təmin olunmasında sosial şəbəkəkərin rolu böyükdür. Demək olar ki, dünya əhalisinin 90 faizi lazımi informasiyaları Facebook, İnstagram, Telegram, Tiktok kimi sosial şəbəkələrdən alırlar. Sosial şəbəkələr artıq bir çox dünya ölkələrində deputatların, siyasətçilərin, məmurların öz açıqlamalarını, bəyanatlarını və şərhlərini geniş auditoriyaya çatdırıldığı bir tribunaya çevrilib.

Bəs, ölkəmizdə Milli Məclis deputatlarının sosial şəbəkələrə marağı necədir və onlar daha çox hansı platformalardan istifadə edirlər? 

Ednews mövzu ilə bağlı deputatlar arasında sorğu keçirib. Cavabları təqdim edirik:

Deputat Hikmət Babaoğlu ölkədə və dünyada baş verən hadisələrdən ən çox Facebook, İnstagram,Twitter vasitəsilə xəbərdar olduğunu deyib. O bildirib ki, Azərbaycanda ən kütləvi sosial şəbəkə statistikaya görə Facebookdur. Tiktok platformasından isə ümumiyyətlə, istifadə etmədiyini qeyd edib.

Deputat Səməd Seyidov digər sosial şəbəkələrdən istifadə etsə də, ən çox bəyəndiyi və məlumat aldığım platforma Twitterdir.

Deputat Fazil Mustafa isə əsasən Facebook üzərində paylaşımlar etdiyini YouTube-dən bəzi verilişləri izlədiyini və  digər sosial şəbəkələrdən isə istifadə etmədiyini bildirib.

Deputat Cavanşir Paşazadə isə dünyada, gündəmdə olan xəbərləri ən çox xəbər saytlarından və Facebook platformasından izlədiyini deyib.

Deputat Razi Nurullayev isə aktiv sosial şəbəkə istifadəçisi olduğunu qeyd edib. O,Facebook ,Tiktok İnstagram və YouTube platformalarından və müxtəlif xəbər saytlarından məlumatları əldə edir. 

Aysel