Kişi voleybolçular arasında Avropa çempionatının seçmə mərhələsinin Azərbaycan – Belçika oyununun hakimləri bəlli olub.
Ednews xəbər verir ki, qarşılaşmanı serb və türk hakimlər idarə edəcək.
Görüş avqustun 24-də Gənclər və İdman Nazirliyinin Voleybol Mərkəzində baş tutacaq. Matçın hakimləri Darko Saviç (Serbiya) və Yavuz Akdemir (Türkiyə) olacaq.
Qeyd edək ki, bu, Fərid Cəlalovun komandasının ikinci sınağıdır. Yığmamız bunadək səfərdə Avstriyaya 0:3 hesabı ilə məğlub olub.
