Malayziya hava yollarına məxsus sərnişin təyyarəsinin axtarışları 11 il sonra bərpa edilib.
“EDnews” xəbər verir ki, 2014-cü ildə layner Malayziyadan havaya qalxdıqdan sonra yoxa çıxıb. Həmin il axtarışlar aparılsa da, təyyarə tapılmamışdı. Yenidən bərpa edilən axtarışlara “Ocean Infinity” şirkətinə məxsus “Armada 7806” gəmisi cəlb edilib. Avstraliyanın Pert sahillərindən təxminən 1000 kilometr aralıda lövbər salan gəmi robotlarla okean və dəniz dibindən məlumat toplaya bilir. Qalıqları tapılacağı təqdirdə “Ocean Infinity”ə 70 milyon dollar ödənəcəyi irəli sürülür.
Qeyd edək ki, 2014-cü ildə Malayziyanın paytaxtı Kuala Lumpurdan Pekinə uçarkən yoxa çıxan təyyarədə 227 sərnişin və 12 ekipaj üzvü olub. Təyyarənin Cənubi Hind okeanında qəzaya uğradığı güman edilir.
