ABŞ dağıdıcı zəlzələlərin nəticələrinin aradan qaldırılmasına kömək etmək üçün Venesuelaya 900-dən çox əsgər göndərib.
EDnews xarici mediaya istinadən xəbər verir ki, bu barədə ABŞ Cənub Komandanlığının rəhbəri general Francis Donovan məlumat verib.
Onun sözlərinə görə, Kürasao və Puerto Rikoda təxminən 800 əlavə əsgər yerləşdirilib. ABŞ ordusu həmçinin kəşfiyyat məlumatları toplamaq üçün dörd-beş MQ-9 Reaper kəşfiyyat dronunu yerləşdirib.
General Amerika qoşunlarının Venesuelada nə qədər müddətə yerləşdiriləcəyi ilə bağlı suala cavab verə bilməyib. Lakin o, ABŞ ordusunun uzunmüddətli yerləşdirilməyə hazırlaşmadığını və yalnız zərər çəkmiş respublikaya yardım göstərməyə yönəldiyini aydınlaşdırıb.
Xatırladaq ki, 24 iyun axşamı Venesuelada 7,2 və 7,5 bal gücündə iki zəlzələ baş verib. Zəlzələlər paytaxt Karakasda və bir neçə ştatda hiss olunub. Bir çox ev dağılıb, Simón Bolivar hava limanı da zərər görüb.
