"Bu cinayətin məsuliyyəti Ermənistan rəhbərliyi üçün ağır olacaq" - Baş prokuror | Eurasia Diary - ednews.net

27 Noyabr, Cümə


"Bu cinayətin məsuliyyəti Ermənistan rəhbərliyi üçün ağır olacaq" - Baş prokuror

Münaqişələr A- A A+

Ermənistanın hərbi siyasi rəhbərliyi Gəncəyə növbəti raket zərbəsi endirdi. Biz müşahidə edirik ki, cəbhə bölgəsində Ermənistan ordusu məğlubiyyətə uğradıca çarəsizlikdən dinc əhaliyə qarşı atəş intensivliyini artırır.

Eurasia Diary xəbər verir ki, bunu Gəncədə səfərdə olan Baş Prokuror Kamran Əliyev deyib. O, bildirib ki, dinc əhaliyə endirilən raket zərbəsi düşmənin acizliyindən xəbər verir.

“Ermənistanın hərbi siyasi rəhbərliyi ağılını itirib, çünki bu, bəşəriyyət əleyhinə olan ağır cinayətdir. Bu cinayətin hüquqi və siyasi məsuliyyəti Ermənistan rəhbərliyi üçün ağır olacaq. Azərbaycan rəhbərliyi tərəfindən buna uyğun hərbi və siyasi sahədə adekvat cavab veriləcək”.

K.Əliyev bildirib ki, onlar sonlarının başlanğıcını hiss etdikcə bu kimi addımlara əl atır. “Dinc əhali arasında panika yaratmaq istəyirlər ki, bu da alınan deyil”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...