‘’Beynəlxalq Kitab Sərgisində kitaba, mütaliəyəyə həvəs olduqca böyük idi. Bu çox sevindirici haldır".

Bu sözləri Ednews-a "Ağıllı bala” uşaq nəşriyyatının rəhbəri Fatimə Alxaz kitab sərgisi ilə bağlı fikir bildirərkən deyib. Onun sözlərinə görə, kitab sərgisində Azərbaycanın xalq yazıçıları və şairləri, xarici yazıçılar və aktyorlar iştirak ediblər:

"Milli nəşriyyatlarımız sıra ilə göz oxşayırdı. Yeni nəşrlər çoxdur. Sevindirici haldır ki, kitab sərgisində kitaba maraq kifayət qədər böyük oldu.                                                                                                                                                                                                                                                                                                                                                             Beynəlxalq kitab sərgiləri demək olar ki, hər ay dünyanın müxtəlif  ölkələrində keçirilir. Sərginin keçirilmə məqsədi bütün dünya nəşrlərinin bir-birini tanımasıdır. Məsələn, 9-cu Bakı beynəlxalq kitab sərgisində Rusiya, Qətər, Meksika, Türkiyə və s. ölkələrdən bizə qonaq gəlib və  biz onların nəşr etdiyi kitablarla tanış olmuş oluruq. Keçən il Almaniyada beynəlxalq kitab sərgisinə biz də  getmişdik. Orada da yenə müxtəlif ölkələrdən naşirlər iştirak edirdi, biz onların həm ölkə olaraq ədəbiyyatı ilə tanış olduq, həm də naşirlərin öz aralarında ünsiyyəti, gördüyü işlər, nəşr etdiyi kitablarla bağlı müzakirələrimiz baş tutdu. Beynəlxalq kitab sərgilərinin keçirilməsi çox mühüm bir işdir.’’

Afaq Qurbanzadə