Dünyada koronavirusa qarşı peyvəndləmə kampaniyası davam edir.

Eurasia Diary “Bloomberg” agentliyinə istinadən xəbər verir ki, dünya ölkələri arasında peyvəndləmə qeyri-bərabərlik şəraitində aparılır.

Dünya əhalisinin 11% sakinin yaşadığı 27 ən inkişaf etmiş ölkəsinə COVID-19-a qarşı peyvənd olunanların 40%-i düşür. Bu göstərici kasıb ölkələrlə müqayisədə 25 dəfə çoxdur. Paralel olaraq, Yer kürəsi sakinlərinin 11%-nin yaşadığı ən kasıb ölkələrdə ümumi peyvənd olunanların 1,6%-i düşüb.

Hazırda əhalinin 5%-i peyvənd olunsa da, onların sayı varlı və kasıb ölkələr arasında qeyri-bərabər bölünüb. Hazırda dünyanın 154 ölkəsində 726 milyondan çox vaksin vurulub.

Planet sakinlərinin 4,3%-nin yaşadığı ABŞ-a peyvənd olunanların 24%- təşkil edirsə, 2,7% Yer sakinin yaşadığı Pakistanda cəmi 0,1% insana peyvənd vurulub.

Yaxın 3 ay ərzində ABŞ sakinlərinin 75%-nin peyvənd olunması baş tutacağı halda, bütövlükdə, dünyanın yarıdan çox ölkəsində vaksinasiya 1%-ə də çatmayıb. Bu statistika hələ də peyvənd olunan sakinlərinin sayını açıqlamayan 40-dan çox ölkəni nəzərə almır.

“Dünyada vaksinin ədalətli bölgüsünü təmin edən mexanizm yoxdur. Lakin əgər ölkələrin əhali sayına düz mütənasib bölgü olardısa, onda ABŞ indikindən 6 dəfə, Böyük Britaniya isə 7 dəfə az vaksin dozu alardı. Vaksin almaqla bağlı problem yaşayan Avropa Birliyi ədalətli bölgünü 2 dəfə, Birləşmiş Ərəb Əmirlikləri 9, İsrail isə 12 dəfə çox pozub.

Afrikaya gəlincə, “qara qitə”nin 54 ölkəsindən yalnız 3-ü əhalisinin 1%-ni vaksinasiya edib. 20 ölkədə isə vaksinasiya prosesi ümumiyyətlə başlamayıb.

Modern.az