Hər il 150.000 insan iqlim dəyişikliyindən dünyasını dəyişir. Bəs niyə ilk diaqnoz məhz indi qoyulub və bu nə dərəcədə əhəmiyyətlidir?
Ednews xəbər verir ki, kanadalı qadın, tarixi istidən sonra nəfəs almaqda çətinlik çəkən dünyada "iqlim dəyişikliyi" diaqnozu qoyulan ilk xəstə olub.
British Columbia Xəstəxanasının təcili yardım şöbəsində çalışan Dr. Kyle Merritt, 70 yaşındakı bir qadına verilən diaqnozun gördüklərini təsdiq etmək cəhdi olduğunu söyləyib.
İyun ayında temperaturun təxminən 50C-ə yüksəlməsi Kanadada rekord göstərici olub və bu, yüzlərlə insanın həyatının itirilməsinə səbəb olub. Əyalət koroneri, bu qəfil ölümlərdən 570-nin "istiliklə əlaqəli" olduğuna qərar verib. Dünya üzrə ÜST hesab edir ki, iqlim dəyişiklikləri ildə 150 000-dən çox insanın ölümünə səbəb olur.
Ancaq təəccüb doğuran statistikaya baxmayaraq, bir tibb mütəxəssisinin bu cür diaqnoz qoyması ilk hadisədir.
Dr Merritt Glacier mediaya bildirib ki, əgər əsas səbəbə baxmasaq və sadəcə simptomları müalicə etsək, getdikcə daha da geriləməyə davam edəcəyik".
Bu vəziyyətdə qadın astma, şəkərli diabet və bəzi ürək çatışmazlığından əziyyət çəkir və nəfəs aparatı olmadan yaşayır. "Onun bütün sağlamlıq problemləri artıb" deyə təcili yardım həkimi açıqlama verib, "və o, həqiqətən həyatda qalmaq üçün mübarizə aparır."
Qızmar temperatur bölgədə meşə yanğınlarını daha da gücləndirib və iyul, avqust aylarında havanın keyfiyyətinin “məqbul” səviyyədən 43 dəfə pisləşməsinə səbəb oldu.
“Biz təcili yardım şöbəsindəyik, imtiyazlılardan ən həssaslara, beşikdən məzara qədər hər kəsə qulluq edəcəyik. İnsanların, xüsusən də cəmiyyətimizdəki ən həssas insanların bu vəziyyətə düşməsini görmək çətindir. Bu, sinir pozucudur” deyə Dr Merritt qeyd edib.
Ülviyyə Şahin
