Qocalmanın qarşısını almaq və gənc qalmaq elm dünyasının ən çox diqqət yetirdiyi mövzulardandır. Nəhayət ki, yeni bir araşdırma qocalmanı yavaşlatmaq üçün bəzi məsləhətləri sadalayıb.
ABŞ mütəxəssislərinin sözlərinə görə, yaxşı yuxu rejimi, sağlam qidalanma, fiziki fəaliyyət və siqaret çəkməmək kimi tədbirlər qocalma prosesini təxminən altı il ləngidə bilər. Bir araşdırma göstərir ki, bu tədbirlər həyata keçirilərsə, ürək sağlamlığı qorunaraq bioloji qocalma sürətini altı ilə qədər yavaşlayır.
Tədqiqatçılar, ortalama yaşı 47 olan 6500-dən çox yetkin insanın məlumatlarına əsaslanaraq bildirib ki, ürək-damar sistemi sağlam olan insanların bioloji cəhətdən faktiki yaşlarından təxminən altı yaş kiçik görünür.
Amerika Ürək Assosiasiyasından Donald Lloyd-Cons dedi: “Bu tapıntılar bizə xronoloji və bioloji yaş arasındakı əlaqəni və sağlam həyat tərzi vərdişlərinə əməl etməyin bizə daha uzun yaşamaqda necə kömək edə biləcəyini anlamağa kömək edir. Hər kəs daha uzun yaşamaq istəyir, amma daha da əhəmiyyətlisi unudulur. Hər ehtimalda insanın uzun yaşamasının əsasında sağlamlıq dayanır.
İnsanın fenotipik və ya bioloji yaşını ölçmək üçün tədqiqatçılar insanın maddələr mübadiləsini, orqan funksiyasını və iltihabını yoxlayır. Bioloji yaş sürətlənməsi insanın bioloji yaşı ilə faktiki yaşı arasındakı fərqi göstərir, daha yüksək dəyərlər isə daha sürətli bioloji qocalmanı göstərir.
Kolumbiya Universiteti İrvinq Tibb Mərkəzindəki Mailman İctimai Sağlamlıq Məktəbindən Nour Makarem qeyd edir ki, ürək sağlamlığı artdıqca, bioloji yaşlanma azalır.
Araşdırmaya görə ürək sağlamlığı yaxşı olanların orta real yaşı 41 olduğu halda, onların orta bioloji yaşı 36 idi. Ürək-damar sağlamlığı zəif olanların orta faktiki yaşı 53 olduğu halda, onların orta bioloji yaşı 57 idi.
Makarem, "Ürək-damar sağlamlığınızın yaxşılaşdırılması bədəninizin qocalma prosesini ləngidə bilər, bu da bir çox fayda təmin edə bilər" dedi.
Amerika Ürək Dərnəyi tərəfindən qocalmanın sürətini yavaşlatan yeddi sağlamlıq vərdişini sadalayıb:
1. Sağlam qidalanma
2. Daha aktiv olmaq
3. Siqareti buraxmaq
4. Sağlam yuxu
5. Sağlam çəki
6. Xolesterolun idarə edilməsi
7. Qan təzyiqinin idarə edilməsi
Xəyal Ramiz