Mütəxəssislər ağız xərçənginin düşünüldüyündən daha çox rast gəlindiyini və onun erkən əlamətlərini aşkar etmək üçün rutin yoxlamaların həyati əhəmiyyət daşıdığını izah ediblər.

Ağız Sağlamlığı Fondunun məlumatlarına görə, 2021-ci ildə İngiltərədə 3000-ə yaxın insan ağız xərçəngindən ölüb , bu, on il əvvəldən 46 faiz çoxdur. Mütəxəssislər diş həkimi görmək üçün uzun müddət gözləmənin ağız xərçəngindən ölüm hallarının artmasına səbəb ola biləcəyindən qorxurlar.

Diaqnozun vaxtında qoyulmasının vacibliyini vurğulayan diş həkimi Neil Sikka insanların diqqət etməli olduğu xəbərdarlıq əlamətlərini paylaşıb.

Diqqət etməli olduğunuz ağız xərçənginin əlamətləri bunlardır...

AĞIZ XORASI

Üç həftə ərzində sağalmayan xoralar ağız xərçənginin əlaməti ola bilər. Çox  vaxt yaralar ümumi olur və adətən iki həftə ərzində sağalır.

Lakin ekspertlər deyirlər ki, üç həftədən çox davam edən, dəfələrlə təkrarlanan və ya boğazın arxasına yaxın böyüyən xoralar həkim və ya diş həkimi tərəfindən yoxlanılmalıdır.

AĞIZDA ŞİŞLƏR

Ağız və ya çənə ətrafında səbəbi bilinməyən şişkinlik ağız xərçənginin əlaməti ola bilər. Mütəxəssislər, şişin dilin, ağızın, dodaqların və ya diş ətinin səthində görünə biləcəyini söyləyirlər.

AĞIZDA QIRMIZI VƏ YA AĞ LƏKƏLƏR

Ağızda xərçəng dəyişiklikləri qırmızı və ya ağ ləkələr şəklində görünə bilər. Dr. Sikka xəbərdarlıq edir ki, bunlar həssas və ya ağrılı ola bilər.

"Cancer Research" UK izah edir ki, ləkələr xərçəng hüceyrələri olmasa da, müalicə edilmədikdə ağız xərçənginə səbəb ola bilər.

DİŞLƏRİN BOŞALMASI

 Əgər dişləriniz heç bir səbəb olmadan boşalmağa başlayırsa, bu ağız xərçənginin əlaməti ola bilər.

Yetkinlərdə dişlərin boşaldılması normal olmadığı üçün həkimlər bu əlamətlərə diqqət yetirməmək lazım olduğunu bildirirlər.

UDMA ÇƏTİNLİKİ

Yemək və içkiləri udmaqda çətinlik çəkmək ağız xərçənginin əlaməti ola bilər. Araşdırmalara görə, xəstəlik yeməyi ağrılı edə bilər və ya yemək çeynəyərkən və udarkən yanma hissi yarada bilər.

Xəyal Ramiz