Neftçalada bir qəbrə iki baş daşı qoyulub. Bunu həmin məzarın videosunu votsap nömrəmizə göndərən şəxs iddia edir. Hər iki baş daşında eyni adamın adı, doğum və ölüm tarixi yazılıb. Sadəcə yazılar baş daşının birində kiril, digərində isə latın əlifbasındadır. Bir məzara niyə iki baş daşının qoyulmasını araşdırmışıq...

Neftçala rayonunun Boyat kənd qəbiristanlığındakı bu məzar görənlərin təəccübünə səbəb olub. Məlumata görə, sözügedən məzarda avtoqəza nəticəsində dünyasını dəyişən bir şəxs dəfn olunub.

Mərhumun yaxınlarının sözlərinə görə, ailənin yeganə övladının ölümündən sonra valideyinləri də dünyasını dəyişib.Yaxınları məzarın qəbirüstü abidəsini bərpa etdirib. Bu zaman köhnə baş daşı çıxarılaraq məzarın kənarına qoyulub. Onun yerində isə yenisi qoyulub. Bəs görəsən baş daşının dəyişməsi dinə uygundurmu?

Maraqlıdır ki, həm köhnə, həm də təzə baş daşı ayrı-ayrı dəmir məhəccər və çəpərlə əhatə olunduğundan bura baş çəkənlər məzara iki baş daşının bilərəkdən qoyulduğunu düşünürlər.

Din xadimləri də bu kimi halda köhnə baş daşlarının aid olduğu məzardan kənarlaşdırılmasını məqsədəuğun hesab edirlər.

Mövzu ilə bağlı daha ətraflı videomaterialı təqdim edirik: (Xezerxeber.az)