Hər kəs mükafat almağı sevir. Mükafatlar cəmiyyətin böyük şücaət göstərən şəxsə verdiyi şərəf əlaməti hesab olunur və xüsusi sifarişlə alınmır. Bəzi mükafatların məbləği isə eşidənləri heyrətə gətirir. 

 

Ednews ən məşhur mükafatları təqdim edir:

 

Nobel mükafatı

 

Şübhəsiz ki, dünyanın ən yaxşı, ən tanınmış və ən məşhur mükafatı "Nobel"-dir. Bu mükafatı alan şəxslərin sayı o qədər də çox deyil. Nobel daha çox fizika, kimya, tibb, ədəbiyyat, sülh və iqtisadiyyat sahələrinə verilir. Bir dəfə Nobel mükafatı almaq nə qədər çətin olsa da, Mari Küri və Frederik Sanqer kimi insanlar bir neçə dəfə bu mükafatı qazanıblar. Nobel mükafatını dinamitin ixtiraçısı Alfred Nobel təsis edib. 

 

Nobel mükafatının məbləği nə qədərdir?

Hazırda bu mükafat 9 milyon İsveç kronu (təxminən bir milyon ABŞ dolları) dəyərindədir. Əgər bir neçə qalib olarsa, Nobel Komitəsinin qərarına əsasən, pul mükafatı alanlar arasında bölünür.

 

Oskar Mükafatı

 

Xalq arasında Oskar kimi tanınan mükafat kinematoqrafiya sahəsində uğur qazananlara verilir. Oskar mükafatı ən yaxşı film, ən yaxşı aktyor, ən yaxşı aktrisa və ən yaxşı rejissor kateqoriyalarına daha çox şamil olunur. Sözügedən mükafat hər il Kino Sənəti və Elmləri Akademiyası (AMPAS) tərəfindən verilir. Qaliblər Art Deco üslubunda işlənmiş cəngavər təsviri olan qızıl heykəlcik əldə edirlər. Canlı yayımlanan mükafatlandırma mərasimi hər il bir milyarddan çox insan tərəindən izlənir.

 

Pulitzer Mükafatı

 

Cozef Pulitzer tərəfindən təsis edilən bu mükafatlar qəzet, jurnal, onlayn jurnalistika, ədəbiyyat və musiqi sahələrində çalışan insanlara verilir. Qalib sertifikat və 15.000 ABŞ dolları dəyərində pul mükafatı qazanır. Pulitzer saytına görə, yalnız Amerika vətəndaşları kitab, dram və musiqi sahələrində mükafat üçün müraciət edə bilərlər. (Kitabların ABŞ tarixini əks etdirən olması məcburidir). Jurnalistika sahəsində mükafat almağı hədəfləyənlər isə istənilən millətdən ola bilər. Qeyd edək ki, mükafata layiq görülən jurnalist işi ABŞ-da müntəzəm dərc olunan qəzet, jurnal və ya xəbər saytında yer almalıdır.

 

Fields medalı 

 

Tez-tez riyaziyyat üzrə Nobel mükafatı olaraq adlandırılan Fields medalı dörd ildən bir 40 yaşdan kiçik iki, üç və ya dörd riyaziyyatçıya verilir. Mükafat onu maliyyələşdirən kanadalı riyaziyyatçı Con Çarlz Fildsin şərəfinə adlandırılıb. Qaliblər 15.000 dollar məbləğində pul mükafatı alırlar. 

 

Qremmi Mükafatı

 

Əvvəlcə "Qramofon" adlandırılan Qremmi Amerika əyləncə dairələrində ən çox arzulanan mükafatlar sırasındadır. “Qremmi” musiqi sahəsindəki nailiyyətlərə görə verilir. Mükafatçılara qrammofonun qızıl heykəlciyi təqdim edilir.

 

Ramon Maqsaysay Mükafatı

 

Asiyanın Nobel Mükafatı kimi də tanınan Ramon Maqsaysay keçmiş Filippinin prezidenti Ramon Maqsaysayın idarəetmədə dürüstlük, xalqa cəsarətli xidmət və demokratik cəmiyyət daxilində praqmatik idealizm nümunəsini əbədiləşdirmək üçün təsis edilib. Qeyd edək ki, bu mükafatlar Asiya ölkəsində yaşayanlar üçündür. Hər bir qalib sertifikat, medal və 50 min (ABŞ) dolları məbləğində pul mükafatı alır.

 

Mişelin Ulduzu

 

 

Bu mükafat restoranların keyfiyyətini qiymətləndirmək üçün Mişelin Quayd tərəfindən istifadə edilən sistemdir. Mişelin ulduzunu almaq restoran sahəsində ən yüksək şərəflərdən biri hesab olunur. Mükafatdakı bir ulduz “çox yaxşı restoranı”, iki ulduz “böyük dəyəri olan yeməkləri”, üç ulduz “yemək üçün səyahət etməyə dəyər” mənalarını verir. Qeyd edək ki, ulduzlu restoranların siyahısı ildə bir dəfə yenilənir.

 

Merlin Mükafatı

 

Bu, əsas ki, sehr (maqiya) sahəsində ən yüksək mükafat hesab olunur. Bəzən Sehrli Akademiya Mükafatı olaraq da adlandırılan Merlin, digər sahələrdəki mükafatların etibarlılığını artırır. Mükafatın dəyərinin 3 min ABŞ dolları dəyərində olduğu bildirilir.

 

Turinq Mükafatı

 

 

İllik A.M. Turing Mükafatı kompüter elmində ən yüksək mükafat və ya "Hesablama üzrə Nobel Mükafatıdır". Mükafat nəzəri kompüter elminin və süni intellektin atası Alan Turinqin şərəfinə adlandırılıb. Bu mükafat vasitəsilə Google tərəfindən maliyyə vəsaiti hesabına 1 milyon ABŞ dolları əldə etmək mümkündür.

 

Nəzrin Beydiyeva

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary