Nyu-York və Sinqapur şəhərləri dünyanın ən bahalı şəhərləridir.

Ednews xəbər verir ki, bu barədə “Economist Group”un İqtisadi Kəşfiyyat Vahidi (EIU) tərəfindən tərtib edilən illik Qlobal Yaşayış Qiyməti İndeksi hesabatında qeyd edilib.

Nyu-York şəhəri ilk dəfədir ki, reytinqə başçılıq edir. Sinqapur isə son 10 ildə səkkizinci dəfədir ki, ikinci pillənin sahibi olur.  2021-ci ildə dünyanın ən bahalı şəhərləri sırasında üçüncu yeri isə İsrailin Tel-Əviv şəhəri tutub.

Dünyanın ən bahalı şəhərləri siyahısına Nyu Yorkla yanaşı, Los-Anceles və San Fransisko da daxildir. İndeksə daxil olan iyirmi iki ABŞ şəhərinin hamısı sürətlə artan qiymətlər və dolların dəyərinin güclənməsinə görə reytinqdə yüksəliblər.

Həmin şəhərlərdən altısı - Atlanta, Şarlotta, İndianapolis, San Dieqo, Portlend və Boston reytinqdə 10 ştat arasında olub.

 Reytinq cədvəlində Rusiyanın Moskva və Sankt-Peterburq şəhərləri 70 və 88 mövqelərdə qərarlaşıblar.

Belə ki, Qərbin sanksiyaları fonunda qiymətlərin artması və enerji bazarlarında canlanma Rusiya rublunu dəyərləndirib. Suriyanın paytaxtı Dəməşq və Liviyanın paytaxtı Tripoli isə ən ucuz şəhərlər sırasında yer alıb.

Tədqiqat avqustun 16-dan sentyabrın 16-dək dünyanın 172 böyük şəhərində aparılıb. “Economist Intelligence Unit-in Qlobal Yaşayış İndeksi”nin rəhbəri Upazana Dat “Ukraynadakı müharibə, Qərbin Rusiyaya qarşı sanksiyaları və Çinin tədarük zəncirində problemlər yaradan və kəsişən anti-Covid siyasəti böyük maraq doğurur. Habelə, valyuta məzənnəsinin dəyişməsi bütün dünyada yaşayış xərcləri böhranına səbəb olub”,- deyə qeyd edib.

Rəna Mürşüd